Oroscopo ciosoto dela Gina

• Tweet
• Pin It

Ariete (21 marzo - 20 aprile)

Ve vien valanghe de idee, un pelo dificili da comunicare o realixare POCO IMPORTE, PROVA A METARLE IN ATO!

Toro (21 aprile - 20 maggio)

Avè xà desfà albero e ninoli natalissi vari, xà vardè la bilansa e el giro vita ... CHI A TEMPO NO SPETE TEMPO E VOIALTRI SE DEI ORGANIXAI SERIALI

Xemei (21 maggio - 20 giugno)

Voressi essare un orso bruno e cassarve in leto per un mese, altro che scatanti e eficienti! MA INVESSE VE TOCHE CORARE QUA E LÀ, OTIMIXA I TEMPI E FAI EL NECESARIO

Cancaro (21 giugno - 20 luglio)

Che pelagra metare via i festoni, cossa portaralo sto genaro? La mente core e anca l'ansia METATE IN PAXE CO TE STESSO E PREMIATE UN PUOCO

Leon (21 luglio - 20 agosto)

Tra el malinconico e l'axardà, no savè ben che corente ciapare... PENSA AL QUOTIDIANO SENSA MASSA NAVEGARE CO LA MENTE

Vergine (21 agosto - 20 settembre)

Gran lavoratore e stacanovista ma no se de titanio, bià che ve dè na quetà xké le fadighe coste SCHISSA EL BOTON DEL STAND BY

Bilansa (21 settembre - 20 ottobre)

Ucci ucci sento odor di esploratucci...no se boni a stare fermi e aspetare EL FUTURO VE PIAXE PROGETARLO PER BEN

Scorpion (21 ottobre - 20 novembre)

Conti de qua, conti de là, voressi no essare precisi e fregarvene de fare quadrare tuto TENIRE A BADA TUTO STRESSE, DONEVE UN GIORNO DE FANTASIA SENSA ORARI E CONTROLI

Sagitario (21 novembre - 20 dicembre)

Ocio ai ambienti massa fodri de xente co mascherine soto el mento! Se sta bravi fin desso CO TI PUOI CAMINA IN RIVA MARE

Capricorno (21 dicembre - 20 gennaio)

Detox, acqua, tisane...no baste mexa giornata, fe un piano per vedare un cambiamento CO OSSERVARÈ I RISULTATI TI GHE NE GUADAGNARÈ IN AUTOSTIMA

Acquario (21 gennaio - 20 febbraio)

E cossí smontà l'albero xà pensè ale fritole! Ma dopo basta savè, sinò ve cresse el polistirolo nel sangue! BUONGUSTAI E OTIMI CUOGHI

Pessi (21 febbraio - 20 marzo)

Propositi per l'ano novo: manco rimuginare e pí agire. Camina de passo svelto e coinvolgi familiari sedentari o amissi magnoni LA PRIMAVERA XÈ VISSINA!