Oroscopo ciosoto dela Gina

• Tweet
• Pin It

Ariete (21 marzo - 20 aprile)

Avarè vogia de divertimento e de passare del tempo in famegia sensa vardare l'orologio TORSE E DARE DEL TEMPO ANCA PER LE BAGATÈLE

Toro (21 aprile - 20 maggio)

Vicinansa,sostegno, ascolto, compagnia, le xè robe importanti che agiute e libere la mente ANCA SE STRACHI MANTENÍ UN GRANDO EQUILIBRIO

Xemei (21 maggio - 20 giugno)

La vostra inteligensa e la vostra maturità va farà tiore la giusta decisiòn sensa gnanca pensarghe massa VE DISTINGUÈ PER LUCIDITÀ E FORSA

Cancaro (21 giugno - 20 luglio)

Nonostante el caldo savarè agire co scaltressa e intuito, sé animali da palcoscenico dotai de gran stile EL VOSTRO SESTO SENSO NO SBAGLIARÁ

Leon (21 luglio - 20 agosto)

Ve sentí come sospesi, in serca de risposte che trovarè da soli lungo la strada COMBATI LA SOLITUDINE IMPARANDO QUALCOSSA DE NOVO

Vergine (21 agosto - 20 settembre)

Anca i cariarmati à bisogno de manutensiòn, quindi no stè massa ad assilarve e a sentirve indispensabili TIOTE EL TEMPO CHE TE SERVE

Bilansa (21 settembre - 20 ottobre)

Fiduciosi nel prossimo e nele ocasiòn che rivará, come che se dixe...chiedi e te sará dà...la fortuna gire dala vostra SORIDI E SPLENDI

Scorpion (21 ottobre - 20 novembre)

Indafarai anca in sti tempi estivi, no stè mai co le mán in mán e no ve pese fare per sodisfare la vogia de cambiare NAVEGHÈ SICURI

Sagitario (21 novembre - 20 dicembre)

Co sti calori no avarè vogia de polemiche e comenti fastidiosi, ve bastará rifugiarve su un bel letín al'ombra SILENSIOSI E CONTENTI

Capricorno (21 dicembre - 20 gennaio)

Sentire e capire prima dei altri a volte xè un pregio altre volte comporte delle responsabilità e pí impegni SAVARÈ GIOSTRARVE BÈN

Acquario (21 gennaio - 20 febbraio)

Sì viagiare...lo ciapè ala letera e no volè manco fermarve perché xè cossí che ve ricarichè OCIO ALE IMPRUDENSE PERÒ

Pessi (21 febbraio - 20 marzo)

Uscire e rilassarse un fià no xè né pecao né spreco de tempo, imparelo e aplichelo QUALCHEDÚN AVARÀ BISOGNO DE TI