Oroscopo ciosoto dela Gina

• Tweet
• Pin It

Ariete (21 marzo - 20 aprile)

Setembre ve porte na bona carega de energia e vogia de fare, sarè pieni de idee SPUMEGIANTI

Toro (21 aprile - 20 maggio)

Pronti per nove aventure e progeti, se studiosi e curiosi, na gran bela dote! SEMPRE IN PISTA!!

Xemei (21 maggio - 20 giugno)

Un fià de pausa e riposo ve spete per rinfocilarve e riportare un fià de carega per avere pí forse per l'autuno IN ARMONIA

Cancaro (21 giugno - 20 luglio)

Oservè come che piàn pianelo cambie la natura e el sole devente manco forte, e pensè, pensè tanto TROVÈ ANCA UN MOMENTO PER LIBERARE LA MENTE E CAMINARE

Leon (21 luglio - 20 agosto)

I Leoni adore el sole,la luxe, i colori del'istà, vedare che la finisse ve intristisse sempre un fià PRESTO PERÒ CIAPARÈ EL RITMO GIUSTO

Vergine (21 agosto - 20 settembre)

Avè tanto bisogno de recuperare le forse e eliminare fastidi e dolori: no sotovalutè segnali e fastidi RIPOSO,RIPOSO RISTORATORE

Bilansa (21 settembre - 20 ottobre)

A volte le idee giuste xè un fià fadigose da atuare, mai perdare la concentrassiòn se sè sicuri de volere na roba! SICURI E OSTINAI

Scorpion (21 ottobre - 20 novembre)

No ste a sperare che el fato decida per vú, tiolè na decisiòn e motivela se la ve pare giusta A FARE NO SE FA MALE

Sagitario (21 novembre - 20 dicembre)

Mile idee da atuare ma xè megio concentrarse sule robe pí concrete e semplici I SFORSI PORTARÀ I SO FRUTI

Capricorno (21 dicembre - 20 gennaio)

Momento introspetivo,no avè bisogno de ciacole da sentire a tute le ore! Megio un silensio eremitico VIA DALA FRENESIA

Acquario (21 gennaio - 20 febbraio)

Voressi afeto incondissionà e vicinansa, parlè ciaro, se sarà la persona giusta sarè compresi NO TEMERE DE ESTERNARE

Pessi (21 febbraio - 20 marzo)

Pensa puoco al passà, pensa al presente e al futuro, a rilassarte, stare ben, fare stare ben TENDI LA MAN E PORTA UN SORIXO