Oroscopo ciosoto dela Gina

• Tweet
• Pin It

Ariete (21 marzo - 20 aprile)

Come fare se la strachessa pervade ogni centimetro dela vostra pele? Ronchexare,ronchexare! Felo el pí possibile!

Toro (21 aprile - 20 maggio)

Per sconfigiare el logorio dela vita moderna sensa cadere nel alcolismo, pensè ale prossime feste e el calore familiare UN SORIXO,UN PROFUMO,UN RICORDO

Xemei (21 maggio - 20 giugno)

A volte per guadagnare tempo xè ben no pensare al tempo stesso, ragiungiarè l'obietivo co manco ansie SARÀ TUTO PÍ FACILE

Cancaro (21 giugno - 20 luglio)

El vostro metodo e impegno costanti ve ripagarà x tute le fadighe fate per lungo tempo INTANTO PERÒ NO TRASCUREVE

Leon (21 luglio - 20 agosto)

Autuno dal sapore dolceamaro, ve vien in mente tante ingiustissie, disapori, per passare oltre concentreve sul belo ARTE E AMORE

Vergine (21 agosto - 20 settembre)

Pí che strachi sé usurai, alora per combatare sto caligo fisico e mentale corè ai ripari e fe riposo asoluto GHE NE AVÈ NECESITÀ

Bilansa (21 settembre - 20 ottobre)

Sperimentare,misurarve in nove sfide xè el vostro pane quotidiano, no ve piaxe stare co le man in man SEMPRE PRONTI, COL SORIXO

Scorpion (21 ottobre - 20 novembre)

In vena de confessioni e rivelassioni, complice na cena in bona compagnia SAVARÈ ASCOLTARE E DARE BONI CONSIGLI

Sagitario (21 novembre - 20 dicembre)

Lassa perdare le polemiche e i despeti, no i fa per ti e co facilità ti darà l'esempio de passare oltre UN SORIXO E VIA

Capricorno (21 dicembre - 20 gennaio)

A volte la dieta,la bilansa, i schemi,xè ben metarli da parte e fare le spaluce,ve meritè un fià de relax sensa pensieri NO CONTROLARE NIENTE

Acquario (21 gennaio - 20 febbraio)

Mandare via la malinconia co uscite strategiche e bagatele sorprendenti, questo xè el segreto per rivare a venare DEL RESTO FREGHEVENE

Pessi (21 febbraio - 20 marzo)

Come trovare la primavera nel'autuno? No sereve in casa,no stresseve co i problemi globali ma deve ala legeressa UN SORIXO IN PÍ NA ROTURA IN MANCO