Oroscopo ciosoto dela Gina

• Tweet
• Pin It

Ariete (21 marzo - 20 aprile)

Un fià de riposo no guaste mai, fermeve e ronchexè perché dopo sarà tuto in salita OH ISSA, OH ISSA!

Toro (21 aprile - 20 maggio)

Frenesia portame via...ste feste xè tuta na corsa per rivare puntuali e precisi come sempre PERDARE TEMPO MAI

Xemei (21 maggio - 20 giugno)

Sé dei fadigoni sempre in pie e ogni istante xè bon per fare qualcossa de interesante MA NO TIRARE MASSA LA CORDA

Cancaro (21 giugno - 20 luglio)

Contrasti nadalissi...tanta luxe ma anche malinconia e pensieri per amissi e parenti NO MAXENARE,VIVI EL MOMENTO

Leon (21 luglio - 20 agosto)

Anca vú evitè de corare massa e farve magnare dal'ansia che no serve a granché RILASSATE SOTO L'ALBERO CO TI PUOI

Vergine (21 agosto - 20 settembre)

Semo a fine ano, che come sempre xè sta caotico e snervante, vogite un puoco de ben FERMATEEEEE

Bilansa (21 settembre - 20 ottobre)

Avè na luxe interiore che brile e agiute tante persone a ritrovare la strada e le idee COCOLEVE UN FIÀ CO LA CURA DEL CORPO

Scorpion (21 ottobre - 20 novembre)

Pensare ai manicareti da gustare in compagnia xè un'otima solussiòn per sfugire dai pensieri e le tristesse VIVI EL MOMENTO SENSA SBATI

Sagitario (21 novembre - 20 dicembre)

Ocio al'aria vissià ma anca ai giri d'aria mentre che ti neti tuta la casa, i contrasti no fa mai ben TROVA NA MISURA E PROTEGITE

Capricorno (21 dicembre - 20 gennaio)

Proposte per l'ultimo del'ano ghe ne xè? In mancansa proponile tí e rendile avincenti, a volte baste puoco PAROLA D'ORDINE DIVERTIMENTO

Acquario (21 gennaio - 20 febbraio)

Vogia de metarve in ghingheri e brindare ala vita e a tute le fadighe e le lote quotidiane che se acumule e devente conquiste FORTI E SPLENDENTI

Pessi (21 febbraio - 20 marzo)

Qualchedun vede l'arivo del'inverno, voialtri pensè de xà ai secondi de luxe che aumente, grandi otimisti,savarè coinvolgere tuti SOLARI E AMOREVOLI